Ein llywodraethiant
Byrddau rheoli a grwpiau gwneud penderfyniadau Cofrestrfa Tir EF.
Mae Cofrestrfa Tir EF yn rhan o’r Weinyddiaeth Tai, Cymunedau a Llywodraeth Leol. Mae’r Prif Gofrestrydd Tir a Phrif Weithredwr Simon Hayes yn atebol i’r Ysgrifennydd Gwladol Angela Rayner.
Goruchwylio yw cylch gorchwyl Bwrdd Cofrestrfa Tir EF yn bennaf, tra bo’r cyfrifoldeb rheoli o ddydd i ddydd gan yr Uwch Dîm Gweithredol.
Bwrdd Cofrestrfa Tir EF
Diben Bwrdd Cofrestrfa Tir EF yw cefnogi, herio’n adeiladol a rhoi arweiniad i’r Uwch Dîm Gweithredol, goruchwylio datblygu a chyflwyno’r strategaeth fusnes a gytunwyd a sicrhau llywodraethu priodol o weithgaredd Cofrestrfa Tir EF.
Ei brif amcanion yw:
- rhoi cyngor a chytuno ar weledigaeth hir dymor, strategaeth fusnes tymor canolig, y gyllideb flynyddol a dangosyddion perfformiad allweddol
- adolygu perfformiad ariannol a gweithredol
- monitro datblygiadau’r farchnad ar gyfer cyfleoedd ac ystyried unrhyw risgiau strategol mae’r sefydliad yn eu hwynebu, sicrhau bod systemau a rheolaethau priodol ar waith
- sicrhau cydymffurfiaeth â’r holl ofynion statudol
- sicrhau bod y sefydliad yn defnyddio ymarfer gorau mewn perthynas â llywodraethu corfforaethol
- sicrhau y caiff perthnasau effeithiol eu cynnal â budd-ddeiliaid, cwsmeriaid, cyflenwyr, cyflogeion ac adrannau’r llywodraeth
Aelodau
Mae Bwrdd Cofrestrfa Tir EF yn cael ei lywio gan Gadeirydd anweithredol annibynnol ac mae ganddo hyd at 12 aelod parhaol gyda mwyafrif o aelodau anweithredol, sef y canlynol ar hyn o bryd:
- Iain Banfield, Prif Swyddog Ariannol
- Caroline Crowther a Charlotte Spencer (rhannu swydd), Aelodau Anweithredol o’r Bwrdd
- Mike Harlow, Cwnsler Cyffredinol, Dirprwy Brif Weithredwr a Dirprwy Brif Gofrestrydd Tir
- Simon Hayes, Prif Weithredwr a Phrif Gofrestrydd Tir
- Ann Henshaw, Aelod Anweithredol o’r Bwrdd
- Hena Jalil, Aelod Anweithredol o’r Bwrdd
- Deborah McLaughlin, Aelod Anweithredol o’r Bwrdd
- Elliot Jordan, Aelod Anweithredol o’r Bwrdd
- Rommel Pereira, Aelod Anweithredol o’r Bwrdd
- Enda Ridge, Aelod Anweithredol o’r Bwrdd
- Neil Sachdev, Cadeirydd Anweithredol ac Aelod Anweithredol o’r Bwrdd
Pwyllgor Archwilio a Risg
Rôl y Pwyllgor Archwilio a Risg yw monitro ac adolygu effeithiolrwydd gweithgaredd risg, sicrwydd ac archwilio. Ar ran y bwrdd, mae’r pwyllgor yn archwilio’n heffeithiolrwydd o ran y canlynol:
- systemau rheolaeth fewnol a systemau rheoli risg
- rheoli risg
- camau a gymerwyd neu i’w cymryd i reoli risgiau difrifol neu i ddatrys unrhyw fethiannau rheoli neu wendidau a nodir
Mae’r pwyllgor yn cynnwys cyfarwyddwyr anweithredol a gweithredol. Maent yn annibynnol ar y rheolwyr ac unrhyw weithgaredd arall allai effeithio ar eu gwrthrychedd. Mae Pennaeth Archwiliad Mewnol yn mynychu cyfarfodydd y pwyllgor hefyd.
Is-bwyllgor o Fwrdd Cofrestrfa Tir EF yw’r Pwyllgor Archwilio a Risg.
Aelodau
Aelodau’r Pwyllgor Archwilio a Risg yw:
- Caroline Crowther a Charlotte Spencer (rhannu swydd), Aelodau Anweithredol o’r Bwrdd
- Elliot Jordan, Cadeirydd Anweithredol ac Aelod o’r Bwrdd
- Rommel Pereira, Aelod Anweithredol o’r Bwrdd
- Enda Ridge, Aelod Anweithredol o’r Bwrdd
Pwyllgor Taliadau ac Enwebiadau
Mae’r Pwyllgor Taliadau ac Enwebiadau yn sicrhau bod trefniadau tâl ac enwebu yn cefnogi amcanion Cofrestrfa Tir EF ac yn goruchwylio recriwtio, cadw a pherfformiad y tîm gweithredol.
Is-bwyllgor o Fwrdd Cofrestrfa Tir EF yw’r Pwyllgor Taliadau ac Enwebiadau.
Aelodau
Aelodau’r Pwyllgor Taliadau ac Enwebiadau yw:
- Caroline Crowther a Charlotte Spencer (rhannu swydd), Aelodau Anweithredol o’r Bwrdd
- Simon Hayes, Prif Weithredwr a Phrif Gofrestrydd Tir
- Ann Henshaw, Cadeirydd Anweithredol ac Aelod o’r Bwrdd
- Simon Morris, Cyfarwyddwr Adnoddau Dynol a Datblygu Sefydliadol
- Rommel Pereira, Aelod Anweithredol o’r Bwrdd
Y Pwyllgor Newid
Mae’r Pwyllgor Newid yn cefnogi’r bwrdd i sicrhau bod cynlluniau trawsnewid y sefydliad yn parhau i fod yn gyson â’i uchelgeisiau strategol a bod modd eu cyflawni’n effeithiol.
Is-bwyllgor o fwrdd Cofrestrfa Tir EF yw’r Pwyllgor Newid.
Aelodau
Aelodau’r Pwyllgor Newid yw:
- Iain Banfield, Prif Swyddog Ariannol
- Caroline Crowther a Charlotte Spencer (rhannu swydd), Aelodau Anweithredol o’r Bwrdd
- Mark Gray, Prif Swyddog Trawsnewid a »Ê¹ÚÌåÓýappchnoleg
- Simon Hayes, Prif Weithredwr a Phrif Gofrestrydd Tir
- Abi Howarth, Cyfarwyddwr Gwasanaethau Cofrestru Tir
- Hena Jalil, Aelod Anweithredol o’r Bwrdd
- Deborah McLaughlin, Aelod Anweithredol o’r Bwrdd
Pwyllgor Adolygu Gofal Cwsmeriaid
Sefydlwyd y Pwyllgor Adolygu Gofal Cwsmeriaid i gynnal adolygiad annibynnol o weithdrefnau trin cwsmeriaid a phrofiadau cwsmeriaid yng Nghofrestrfa Tir EF.
Is-bwyllgor o Fwrdd Cofrestrfa Tir EF yw’r Pwyllgor Adolygu Gofal Cwsmeriaid.
Aelodau
Aelodau’r Pwyllgor Adolygu Gofal Cwsmeriaid yw:
- Ben Alexander, Aelod Anweithredol o’r Pwyllgor
- Iain Banfield, Prif Swyddog Ariannol
- Kirsty Cooper, Aelod Anweithredol o’r Pwyllgor
- Emma Ellis, Dirprwy Gyfarwyddwr Darparu Gwasanaeth i Gwsmeriaid
- Helen Gillett, Aelod Anweithredol o’r Pwyllgor
- Ann Henshaw, Cadeirydd Anweithredol ac Aelod o’r Bwrdd
- Abi Howarth, Cyfarwyddwr Gwasanaethau Cofrestru Tir
- Jon Ingram, Non-executive Board Member
- Elliot Jordan, Aelod Anweithredol o’r Bwrdd a Chadeirydd y Pwyllgor Archwilio a Risg
Uwch Dîm Gweithredol
Mae’r Uwch Dîm Gweithredol yn dwyn ynghyd tua 20 o uwch arweinwyr Cofrestrfa Tir EF sy’n atebol ar draws nifer o Uwch Bwyllgorau Gweithredol:
- Gwasanaethau Corfforaethol
- Darparu Gwasanaeth
- Strategaeth a Darparu
Mae’r Uwch Dîm Gweithredol, trwy’r Uwch Bwyllgorau Gweithredol hyn, yn ymdrin â rhedeg Cofrestrfa Tir EF o ddydd i ddydd, gan gynnwys:
- monitro ein dangosyddion perfformiad allweddol a’r gyllideb gyffredinol
- rheoli risgiau i’r sefydliad
- gwneud penderfyniadau ariannol
- delio â materion sy’n ymwneud â chwsmeriaid
- codi materion a phenderfyniadau pwysig i Fwrdd Cofrestrfa Tir EF i’w hadolygu
Cefnogir yr Uwch Bwyllgorau Gweithredol ymhellach gan nifer o is-bwyllgorau.